Elimizde Watan qorǵawday ullı iske ózin baǵıshlaǵan áskeriy xızmetkerler úlken húrmet -izzetke bólenip, hár jılı 14-yanvar -Watan qorǵawshıları kúni kóterińki keypiyatta bayramlanadı. Ózbekstan Resrublikası Qurallı kúshleri shólkemlestirilgenliginiń 33 jıllıǵı hám Watan qorǵawshıları kúni múnásibeti menen Qońırat rayonınıń oraylıq kósheleri boylap áskeriy parad bolıp ótti. Erte tańnan rayondaǵı Qaraqalpaqstan kóshesi boylap áskeriy xızmetkerler hám texnikalar, huqıq qorǵaw xızmetkerleri bir sapta háreketlenip, rayon xalqına joqarı bayram keypiyatın inam etti.
