Rayon tariyxı

Qońırat rayonı respublikanıń arqa-batıs tárepinde jaylasqan bolıp,  1927-jıldıń 3-iyulinde dúzilgen. Rayon óz aymaǵı boyinsha Ózbekstan Respublikasınıń 12 procentin,  Qaraqalpaqstan Respublikasınıń 46 procentin quraydi. Qońırat rayonı Тúrkmenstan hám Qazaqstan Respublikaları,  Moynaq rayonı,  Kegeyli rayonı hám Qanlıkól rayonı menen shegaralas.

Rayon ósiw noqatı (drayver) sharwashılıq, neft-ximiya sanaatı tarawlarına qánigelestirilgen.

Maydani 76, 0 ming kv.km. Rayonda 21 máhálle, 5 qalasha tipindegi posyolka hám 13 awıl puqaralar jıyını bar.

2024-jıl 1-yanvar jaǵdayınа kóre rayon xalqı sanı 135,9 mıń adamdı quraydı. Sonnan

Puqaralar jıyını sanı – 39,

Xojalıqlar sanı – 28093,

Mektepler sanı – 49,

Mektepke shekemgi bilimlendiriw shólkemler – 94,

Kitapxanalar – 2,

Rayonnıń batıs tárepin Ustúrt tegisligi iyelegen bolıp, tiykarınan jer astı baylıqları usı regionda jaylasqan. Bunda háktas, por, gips, mergel, as duzı, neft, gaz kondensatları hám basqa da qazılma baylıqlardıń iri kánleri bar. SHaxpaxta, Quwanısh, Aqsholaq, Úsh-say, Urga maydanlarında gaz kánleri ashılǵan. Urga káni 1995-jılı gaz magistralına qosılıp, xalıq máplerin támiyinlew ushın xızmet kórsetpekte. Sonıń menen birge, Barsa-kelmes hám Qarawımbet duz kánleri bar. «Barsa kelmes» duz kániniń uzınlıǵı 75 km, eni 70-72 km bolıp, tereńligi 30-60 m, ulıwma maydanı 1000 kv.m quraydı. Bul duz kánlerinen sanaatta paydalanıw maqsetinde Ózbekstan Respublikası Ministrler komitetiniń 1995-jıl 2-martdaǵı 79-sanlı qararına muwapıq mámleket áhmiyetine iye Qońırat soda zavodı qurılıp iske túsirildi. Tábiyiy suw deregi Ámiwdárya esaplanadı.