Qońırat rayonındaǵı payızlı orınlardıń birinde 14 -yanvar – Watan qorǵawshıları kúnine baǵıshlanǵan bayram ilajı bolıp ótti. Onda bayram dástúrxanı jayılıp, elimizdiń tınıshlıǵın qorǵawday ádiwli wazıypanı pidayılıq penen atqarıp atırǵan áskeriy xızmetkerler hám olardıń shańaraq aǵzaları mirát etildi.
Ilajda rayon hákimi Bekzad Madaminov sózge shıǵıp, búgingi sáne haqıyqıy mániste xalqımızǵa tán bolǵan Watanǵa sadıqlıq, batırlıqtıń tımsalına aynalıp atırǵanlıǵın atap ótti. Prezidentimizdiń basshılıǵında alıp barılıp atırǵan reformalar nátiyjesinde elimizdiń ǵárezsizligin, shegaralarımızdıń qáwipsizligin támiynley alatuǵın milliy armiyamız qáliplesti. Armiya qatarında hár tárepleme shınıqqan, qural- jaraq, texnikalardı puxta meńgere alatuǵın áskerler xızmet etpekte. Bayram ilajında rayon xákimligi tárepinen taraw aldıńǵılarına húrmet jarlıqları hám sawǵalar berildi. Kórkem óner sheberleriniń atqarıwındaǵı yoshlı qosıqlar bayramǵa ózgeshe payız baǵıshladı.
