Еlimizge kirip kelgen báhárdiń dáslepki kúnlerin jáne de payızlı etetuǵın Naýrız quwanıshları kóp milletli Qońırattıń barlıq orınlarında húkimlik etpekte.
Milliy qádriyatlarımızdı, dástúrlerimizdi, taǵamlarımızdı, qol ónerlerimizdi dunyaǵa tanıtıwǵa qumar Qońıratlılar da Nawrızdı ózine say sán-saltanatı, milliy tamashaları menen kútip almaqta.
Bayram qatnasıwshıları hám miymanlar, jası úlken hám kishiler milliy taǵamlar hám qol óneri dóretpelerinen ibarat kórgizbelerdi tamashaladı.
Nawrız bayramı múnásibeti menen ótkerilip atırǵan tiykarǵı bayram ilajında Qońırat rayonı hákimi Bekzod Baxodirovich Madaminov shıǵıp sóylep, ilaj qatnasıwshıların bayram menen qızǵın qutlıqladı.Rayonda sońǵı jılları erisilip atırǵan joqarı nátiyjelerge toqtap ótti hám bunda rayonımızda jasawshı hár bir insannıń úlesi bar ekenligin atap ótti.
“Qádiriyatlarıń máńgı bolsın, Nawrız!” atamasındaǵı muzıkalı kompoziciyadan orın alǵan xalqımızǵa belgili kórkem óner sheberleriniń atqarıýındaǵı yoshlı qosıqlar, namalar bayram qatnasıýshılarına, miymanlarǵa bir álem zaýıq baǵıshladı.
Nawrız bayramınan orın alǵan palwanlar gúresi, arqan tartıw, qoshqar urısıw sıyaqlı milliy sport túrleri boyınsha bellesiwlerdi de ilaj qatnasıwshıları kóterińki keypiyatta tamashaladı.
