Oǵan xalıq deputatları rayonlıq Keńesiniń deputatları, rayon
hákiminiń orınbasarları, huqıq qorǵaw uyımları, mekeme, kárxana basshıları, puqaralar
jıyınlarınıń basshıları qatnastı. Sessiyanı xalıq deputatları rayonlıq Keńesiniń baslıǵı Bekzad Madaminov basqarıp bardı.Sessiya kún tártibinde Qońırat rayonı abadanlastırıw basqarması esabındaǵı jollardı belgilep alıw hám ońlaw jumısları boyınsha 2025- jıl ushın dáslepki mánzilli dizimdi tastıyıqlaw haqqındaǵı másele kórip shıǵıldı.
Bunnan soń deputatlar Qaraqalpaqstan Respublikasıń ekologiya, qorshaǵan ortalıqtı qorǵaw hám klimat ózgeriwi miniistrliginiń rayonlıq bólimi tárepinen 2024-jıldıń 12 ayı dawamında ámelge asırılǵan jumıslar haqqında esabatın tıńladı. Sessiyada Qońırat rayonı prokurorı
Javlonbek Muftullaevtıń hám RIIB baslıǵı Polat Iskenderovtıń
2024-jıldıń 12 ayı dawamında kriminogen jaǵdayı awır aymaqlardı kompleksli social-ekonomikalıq rawajlandırıw boyınsha ámelge asırılǵan jumıslar haqqındaǵı málimlemeleri esitildi.Ishki isler bóliminiń rayon aymaǵında jol háreketi qáwipsizligin támiyinlew, onıń aldın alıw, jámiyetlik tártipti saqlaw hám xalıqtıń qáwipsizligin támiyinlew boyınsha ámelge asırılǵan jumısları haqqındaǵı esabatları tıńlandı.
Deputatlar rayonıdaǵı geografiyalıq obektlerdiń atamaların ózgertiw haqqındaǵı máseleni de dodaladı.Sessiyada kórip shıǵılǵan máseleler boyınsha tiyisli qararlar qabıl etildi.
