Qońırat rayonındaǵı 14 jastan 30 jasqa shekemgi 30700 den aslam jaslardıń sociallıq jaǵdayı, qábileti hám qızıǵıwshılıqları úyrenilip, olar 3 kategoriyaǵa ajıratıldı. Onda: jaqsı oqıp atırǵan, isbilermenligin jolǵa qoyǵan, rásmiy sektorda isleytuǵın, qábileti bar, sociallıq belsendi bolǵan jaslar “jaqsı” kategoriyaǵa; turmıs talabı menen rásmiy sektordan jumıs taba almaǵan, biraq ekonomikalıq belsendi jaslar “orta” kategoriyaǵa kirgizildi; mámlekettiń ǵamxorlıǵı hám itibarın kútip atırǵan jáne járdemge mútáj 265 jas “jaǵdayı awır” kategoriyasına ayrıqsha ajıratıp alınǵan edi.
Hár bir basshı, Milliy gvardiya hám áskeriy bólim komandirlerine úshinshi kategoriyadaǵı itibarǵa mútáj jaslar atpa-at biriktirilgen.
Qońırat rayonında Milliy gvardiya tárepinen atalıqqa alınǵan jaslar menen watansúyiwshilik ilajları ótkerildi
Milliy gvardiya Qaraqalpaqstan Respublikası boyınsha basqarması baslıǵı, polkovnik YUsupov Muxtar Bekchanovich, rayon hákimi B.Madaminov penen birgelikte
atalıqqa alınǵan jaslar menen “Basshı hám jaslar”,”Áskeriy bólimde bir kúnim” súreni astında watansúyiwshilik ilajları shólkemlestirildi.
“Basshı hám jaslar” ushırasıwı dawamında Milliy gvardiya Qaraqalpaqstan Respublikası basqarması baslıǵı, polkovnik M.Yusupov
hám rayon hákimi B.Madaminov jaslar menen ashıqtan-ashıq sóylesip, Prezident tárepinen alıp barılıp atırǵan ádil siyasat, jaslarǵa jaratılıp atırǵan imkaniyatlar haqqında hár tárepleme aytıp berdi.Hár bir ul-qız benen olardıń qızıǵıwshılıqları, sociallıq mashqalaları boyınsha
sáwbetlesti. Áskeriy bólimge ádebiy kitaplar sawǵa etildi.
Sonday-aq, jaslardıń mashqala hám usınısları tereń úyrenilip, bir qatar máseleler ornında saplastırıldı. Jaslar ózlerin qızıqtırǵan sorawlarǵa hár tárepleme juwap aldı.
Ilaj dawamında ashıq esikler kúni, qural-jaraqlar kórgizbesi ótkerildi.
Sonday-aq, terekler egildi hám jaslar áskerler asxanasında túslik etip, áskeriy turmıs penen jaqınnan tanıstı.
