Xalıq deputatları Qońırat rayonlıq Keńesi deputatları ushın jergilikli Keńesler iskerliginiń rawajlanıwı, jergilikli atqarıwshı hám wákillik hákimiyattiń bóliniwi principi boyınsha konstituciyalıq normalardıń engiziliwi hám de tarawǵa tiyisli reformalar haqqında oqıw seminarı bolıp ótti.
Oqıw seminarda bayanat jasaǵan Qaraqalpaqstan Respublikası Joqarǵi Kengesi deputatı Sh. Utemisov óz sózinde Ózbekstan Respublikası Prezidenti Sh. Mirziyoyev basshılıǵında mámleketimizde barlıq tarawlarda ámelge asırılıp atırǵan keń kólemli reformalar, atap aytqanda jergilikli Keńeslerdiń mámleket hám jámiyet turmısındaǵı ornına, 2024- jıldıń noyabr ayında bolıp ótken Oliy Majlis palatalarınıń jıynalıslarında Ózbekstan Respublikası Prezidenti Shavkat Mirziyoyev tárepinen belgilep berilgen ústin turatuǵın wazıypalarǵa jáne bul boyınsha wákillik shólkemleriniń roline toqtap ótti.
Jergilikli Keńesler hám deputatlar iskerligin nátiyjeli shólkemlestiriw, atap aytqanda, Keńeslerdiń norma dóretiwshiligine tiyisli iskerligin jetilistiriw, qarar qabıllawda nızamlılıqtı támiyinlew, qadaǵalaw -talqılaw iskerligin kúsheytiw, onıń tásirliligin asırıw, jergilikli byudjetti qáliplestiriwde deputatlardıń aktiv qatnasıwın támiyinlew, xalıqtıń mashqalaların úyreniw hám sheshiwde “máhelle jetiligi” hám de puqaralıq jámiyetiniń basqa institutları menen nátiyjeli sheriklikti jolǵa qoyıw máselelerine de itibar qaratildi.
Sonıń menen birge, seminarda jergilikli byudjettiń, aymaqlardı rawajlandırıw baǵdarlamalarınıń orınlanıwın baqlaw, nızamlardıń orınlanıwın támiyinlew hám de atqarıwshı hakimiyat shólkemleri basshılarınıń esabat hám informaciyaların esitiwdiń tásirli mexanizmlerin qollanıw máselelerine ayrıqsha itibar berildi. Seminar qatnasıwshıları ózlerin qızıqtırǵan sorawlarına juwaplar aldı.
