Qońırat rayonı hákimi Begzаd Madaminov hám Shımbay rayonı hákimi Аybek Tajetdinovlar Jizzax wálayatınıń Doslıq rayonında boldı. Miymanlardı rayon hákimi Shavkat Darvishev hám sektor baslıqları kútip alıp, rayon aymaǵında ámelge asırılıp atırǵan investiciyalıq joybarlar hám qurılıs jumısları menen tanıstırdı. Qaraqalpaqstanlı hákimler dáslep, Turkiyalı investorlar menen sheriklikte iske túsirilgen”SENTEZ DO’STLIK TEXTILE ACCESSORIES” JShJ de, “G’afur Ǵulom” máhellesi aymaǵında qurılıp atırǵan sawda kompleksi hám “Jaslar qalashası” ndagi IT park, amfiteatr, zamanagóy kitapxana, dawıs jazıw studiyası, jańa sport kompleksinde alıp barılıp atırǵan qurılıs jumısların barıp kórdi. Sonıń menen birge,”Chinobod” máhellesindegi “Jańa Ózbekstan” massivi, “Mevazor”máhellesindegi jaǵa boyında jaylastırılatuǵın jańa joybarlardı,”Chinobod” máhellesiniń hákimshilik imaratında máhelle xızmetkerleriniń iskerligi hám puqaralar ushın jaratılǵan sharayatlar menen tanıstı.
