Qońırat rayonı hákimliginiń úlken májilıslеr zalında xalıq deputatları rayonlıq Keńesiniń náwbettegi
besinshi sessiyasi bolıp ótti. Sessiya jumısında xalıq deputatları rayonlıq Keńesi deputatları, sektor basshıları, rayon hákiminiń orınbasarları, siyasiy partiyalar, shólkemler basshıları hám ǵalaba xabar quralları wákilleri qatnastı. Sessiya jumısın Xalıq deputatları rayonlıq Keńesi baslıǵı Bekzad Madaminov alıp bardı.Dáslep sessiya kún tártibindegi birinshi másele: sektor basshıları tárepinen 2024-jıl dawamında ámelge asırılǵan jumıslar boyınsha esabatları tıńlandi.Sonıń menen birge, sessiya dawamında rayonlıq Ishki isler bóliminiń jınayatshılıqtıń aldın alıw, júz bergen jınayatlardı ashıw hám jámiyetlik qawipsizlikti támiyinlew boyınsha ámelge asırılǵan jumıslar haqqında, Qońırat rayonı jergilikli byudjetiniń 2024-jıl dawamında ǵárejetler hám dáramatlar rejesine kirgizilgen ózgerisler haqqında ; “Baslamalı byudjet” procesi jámiyetshilik pikiri tiykarında ámelge asırılǵan jumıslar haqqında, rayon ádillik bólimi tárepinen ámelge asırılǵan jumısları haqqında málimleme hám esabatları da tıńlandi.Kún tártibindegi máseleler boyınsha deputatlar ózlerin qızıqtırǵan sorawlarǵa bayanatshılardan juwaplar aldı. Sessiyada kórip shıǵılǵan máseleler boyınsha Xalıq deputatları rayonlıq Keńesiniń tiyisli qararları qabıl etildı.
