Айни кунларда ҳарорат бирмунча кўтарилиб, чўмилишга эҳтиёж ортди. Бу эса ҳушёрликни талаб этади.
Чўкиш – бўғилишнинг механик тури ҳисобланиб, ўпкаларнинг сувга тўлиши натижасида ривожланади.
Хўш, сувда чўккан кишига қандай ёрдам берилади?
Сувда чўкаётган инсонни олиб чиқиш жуда хавфли ҳолат. Одам чўкаётган вақтда «ўлим қўрқинчи” ҳисобига уни қутқараётган инсонни ҳам чўктириб юбориши мумкин. Шунинг учун жисмоний қувватингиз етмаса, икки ёки уч киши бўлиб қутқариш керак.
Масалан, фавқулодда вазиятларда болани тезроқ сувдан чиқариб олиш ва тана ҳароратини сақлаш учун зудлик билан адёлга ўраш муҳим. Чунки сув ҳарорати ҳатто +28°C бўлганда ҳам бола совқотиб қолиши мумкин.
Агар у ҳушидан кетса, зудлик билан ёнбошлаб ётқизиш ва оғиздан оғизга ёки гўдаклар учун оғиздан бурунга сунъий нафас юбориш керак. Тез ёрдам етиб келгунига қадар галма-гал юракни массаж қилиш талаб этилади.
С.Отабоев
Қўнғирот тумани ФВБ ходими