Bunnan aldın plyaj gúresi boyınsha 2005-2006-jılları tuwılǵan óspirimler hám qızlar arasında Ózbekstan chempionatı ótkerilip atırǵanı haqqında xabarlaǵan edik.
Bul chempionatta respublikamız palwanları da múnásip túrde qatnasıp, olar arasında 63 kg salmaqta Azada Medetbaeva 1-orındı, +70 kg salmaqta Nilufar Medetbaeva 2-orındı, 90 kg salmaqta Nadir Madraximov, +90 kg salmaqta Ruslan Erniyazovlar 3-orındı iyelep, shólkemlestiriwshiler tárepinen medal hám estelik sawǵalar menen sıylıqlandı.
―Gúres fedaraciyasınıń tiykarǵı qáwenderlerinen biri Qaraqalpaqstan Respublikası Prokuraturası, Respublika Sporttı rawajlandırıw ministrlikleriniń qollap-quwatlawı hám Berik hám Sapar Júsipbekov, Nókisbay Daniyarov, Sh.Biyimbetov, S.Nuratdinov, E. Jamǵırbaev sıyaqlı tájiriybeli trenerlerimizdiń tınımsız miynetleriniń arqasında jas palwanlarımız usınday jaqsı nátiyjelerdi qolǵa kirgizdi,-deydi komandamız trenerlerinen biri Jamshid Turabaev.―Aldaǵı waqıtları ózlerimizge bildirilgen isenimdi tolıq aqlaw ushın, shákirtlerimiz benen bar kúsh-ǵayratımızdı jumsaymız.
Adilbay Orazov,
Ⱪaraqalpaqstan xabar agentligi sholıӯshısı