Pármanǵa kóre, jer uchastkaların ajıratıw jumısları 2025-jıl 1-martqa shekem tolıq juwmaqlanadı.Jańa sistema birinshi basqıshta 2025-jıl báhárgi egis máwsimine shekem belgilengen aymaqlarda rayon hákimlikleri qaramaǵında turǵan, 2025-jıl hám onnan keyingi jıllar ónimi ushın paxta hám ǵálle eginlerin jetistiriw názerde tutılmaǵan bos turǵan jer maydanlarında engiziledi.Jańa sistemanıń nátiyjeliligin turaqlı túrde tallap barǵan halda, zárúrlikke bola, onı 2025-jılǵı gúzgi egin máwsimi hám onnan keyingi dáwirlerde basqa aymaqlarǵa da engiziw boyınsha usınıs kirgizip barıladı.
Tómendegiler shólkemlestiriledi:
“Awıl xojalıǵında jer reformaların ámelge asırıw joybarlaw ofisi”;
belgilengen hákimlikler janında “Ijaraǵa berilgen awıl xojalıǵı jerlerine xızmet kórsetiw direkciyası” mámleketlik kárxanaları.
Organikalıq ónimler jetistiriw ushın Global G.A.P, GMP, FSCC, HACCP, Halal, Organic hám basqa da xalıqaralıq dárejede tán alınatuǵın sertifikatlardı alǵan diyqan, fermer xojalıqları hám awıl xojalıǵı kárxanalarına ijaraǵa berilgen jer uchastkaları ushın 2028-jıl 1-yanvarǵa shekem 50 procent muǵdarında jer salıǵı tólenedi.
