Qońırat rayonı huqıq qorǵaw organlarınıń muwapıqlastırıwshı keńes jıynalısı ótkerildi. Onda 2024- jıldıń 12 ayı dawamında aymaqta jınayatshılıqqa qarsı gúresiw hám onıń aldın alıwdaǵı huqıq qorǵaw uyımlarınıń jumısları keńnen dodalanıp, aldaǵı wazıypalar belgilep alındı. Jıynalısta tastıyıqlanıwınsha, aymaqta ulıwma jınayatshılıq
117, 3 procentke ósken,sonıń ishinde júdá awır jınayatlar, aldawhılıq, biyzarılıq jınayatları asqan.Jınayatlardıń salmaqlı bólegi
“Qaraqalpaqstan” PPJ, “Qońırat” MPJ, “Azatlıq” MPJ, ” Sanaat” MPJ, ” Jaslıq” PPJ, “Nawayı” MPJ, “Qańlı” APJ, “Qırıqqız” PPJ, ” Taraqlı” MPJ, ” “Elabad” PPJ, ” Qumbız” MPJ,
“Órnek” APJ, “Bostan” MPJ, “Qońırat” APJ, “Gúlabad” MPJ, “Qaratal” MPJ, ” Almazar” MPJ hám “Qıpshaq”APJ larǵa tuwra keledi. Aldın alıw múmkin bolǵan yaǵnıy máhállede júz bergen jınayatlar esabınan aymaqtaǵı 39 máhálleniń 8 i (20, 5%) ” qızıl”, 19 i (48, 7%) ” sarı” hám 12 si (30, 7%) ” jasıl” taypalarǵa kirgizilgen. Jas óspirimler, jaslar hám hayal- qızlar jınayatshılıǵı asqanı ayrıqsha atap ótilip, tiyisli taraw wákilleriniń túsindirmeleri tıńlandi.Jıynalısta jınayatshılıqqa qarsı gúresiw hám onıń aldın alıw baǵdarındaǵı mashqalalardı sheshiwge kompleks jantasılmaǵanı ayrıqsha tastıyıqlap ótildi. Jıynalısta jol qoyılǵan qáte- kemshilikler sın kóz- qarasta keńnen dodalanıp, aldaǵı wazıypalar belgilep alındı hám tiyisli qarar qabıl etildi.
