Usı jıldıń 28-may – 1-iyun kúnleri aralıǵında «Qızıl kitap»qa kirgizilgen jorǵa tuwalaq qusları Qońırat rayonındaǵı keńisliklerge qoyıp jiberildi. Bul haqqında QR Ekologiya hám qorshaǵan ortalıqtı qorǵaw komitetiniń baspasóz xızmeti xabar berdi.
Xabarda jazılıwınsha, Ózbekstan Respublikası Ekologiya hám qorshaǵan ortalıqtı qorǵaw mámleketlik komiteti jáne «Falcon Hunting Solutions» kompaniyası tárepinen joq bolıp ketiw qáwpi astında turǵan 2040 bas jorǵa tuwalaq qusları rayon aymaǵındaǵı keńisliklerge jiberilgen.
Bul quslar Birlesken Arab Ámirlikleriniń «International fund for houbara conservation» orayında kóbeytilgen.
Maǵlıwmat ushın, jorǵa tuwalaqlar 2009-jılı Ózbekstan Qızıl kitabına siyrek gezlesetuǵın túr sıpatında kirgizilgen. Olar Qızılqum shóllerinde jasaydı. Olardıń sanı hám jasaw maydanı 1960-jıllardan baslap azaya baslaǵan.
Islam Matekov,
Qaraqalpaqstan xabar agentligi.