Prezident qararınan keyingi
jas ónerment turmısındaǵı unamlı ózgerisler
“Xanjap” mákan puqaralar jıyınında jasawshı jas sheber ustalardıń biri Axunjan Embergenov kóp jıllardan beri mebel islep shıǵarıwdı shańaraǵınıń turaqlı dáramat deregine aynaldırǵan.
-Ustaxanamızda tayarlanıp atırǵan
keń assortimenttegi, zamanagóy dizaynǵa iye mebeller tek ǵana jeke tártiptegi qarıydarlardıń emes, al rayondaǵı bir qatar sociallıq obektlerdiń de kórkine- kórk qospaqta.Jaqında máhállemizdegi hákim járdemshisi Polat Jumamuratovtıń kómegi menen 100 million sum jeńillikli kredit aldıq. Zamanagóy mebel islep shıǵarıw úskenesin satıp alıp kelip ornatıwımız benen cexımızda jumıs kólemi 1,5 esege artıp, 4 adam turaqlı jumıs penen támiynlendi. Ónimlerimizdiń sapalılıǵı jáne de artıwı menen qarıydarlardıń izi úzilmey qaldı. Aldın hesh qanday girewsiz kredit alıw múmkinshiligi joq edi, bunday imkaniyatlardı jaratıp bergen Prezidentimizge raxmet!
-deydi usta ónerment Axunjan Embergenov.
