Ózbekstan Respublikası Prezidentiniń “2025-jılda xalıqtıń bántligin támiyinlew hám kámbaǵallıqtı qısqartıw ilajları haqqında”ǵı qararı (PQ-12-sanlı, 17.01.2025) nıń orınlanıwın támiyinlew, sonday-aq, máhállelerde kámbaǵal shańaraq aǵzalarınıń jumıs islew ıqlasın hám intakerligin arttırıw maqsetinde rayondaǵı awır aymaqlarǵa “#Ruwxıy_járdemshi” biriktirilgen.
️Qońırat rayonı “Miynetabad” máhállesine biriktirilgen ruwxıy járdemshi Ónerment,”Mutabar ayol” iesi, jeke isbilermen Z.Madiyarova menen kámbaǵal xalıq qatlamınıń dúnyaǵa kózqarasın ózgertiw olardı kásip- ónerge baǵdarlaw maqsetinde Qońırat rayonı “Miynetabad” APJda jaylasqan 1-sanlı mektepte “Aǵartıwshılıq arqalı kámbaǵallıqtı qısqartıw” temasında ruwxıy- aǵartıwshılıq úgit- násiyat ilajı shólkemlestirildi.
Ushırasıwǵa Ruwxıylıq hám aǵartıwshılıq orayı rayonlıq bólimi baslıǵı U.Tilewmuratova, Din isleri boyınsha komitettiń rayon boyınsha bas qánigesi YU.Qalekeev, ónerment Z.Madiyarova hám máhállede ijasawshı ónermentshilik penen shuǵıllanıw tilegindegi hayal- qızlar qatnastı.
