Gúzgi shúdigar- mol zúráátke tiykar Eginlerden mol zúráát jetistiriwde gúzgi shúdigardıń áhmiyeti úlken.
Ata-babalarımız “Jerdi súrseń gúz súr, gúz súrmeseń júz súr” dep biykarǵa aytpaǵan. Sebebi, sapalı ótkerilgen gúzgi shúdigarlaw kelesi jıldıń mol zúráátine tiykar jaratadı. Qońırat rayonı, “Xorezm” awıl puqaralar jıyını aymaǵındaǵı
Qońırat mámleketlik Toǵay hám ańshılıq xojalıǵına qaraslı atız maydanında Qaraqalpaqstan Respublikası Ministrler Keńesi Baslıǵınıń Awıl hám suw xojalıǵı máseleleri boyınsha orınbasarı Sh.Teshaev basshılıǵında kórgizbeli seminar bolıp ótti. Oǵan Qońırat rayonı hákimi B.Madaminov, rayondaǵı awıl xojalıǵı kompleksi shólkemleri juwaplı xızmetkerleri hám fermer xojalıqları basshıları qatnastı.
Seminarda 2025-jıldıń zúrááti ushın shúdigarlaw jumısların shólkemlestiriw komleks ilajlarınıń orınlanıwın támiyinlew boyınsha áhmiyetli wazıypalar boyınsha tapsırma hám kórsetpeler berildi.Jerlerdi capalı hám joqarı ónim menen shúdigarlawǵa erisiw ushın traktor hám pluglardı aldınnan jumısqa tayar halatqa keltiriw, atızlar súrimge tayar turıwı hám shúdigardı durıs shólkemlestiriw, mexanizatorlarǵa qolaylı sharayatlar jaratıw bárhulla qadaǵalawda bolıwı zárúrligi aytıldı. Á yne kúnlerde fermer xojalıqlarında gúzgı agrotexnikalıq ilajlardıń barısı, gúzgi shúdigarlaw, jerlerdi lazer usılında tegislew, biyday tárbiyası, abadanlastırıw, kóklemzarlastırıw jumısları, “Jasıl mákan” ulıwma milliy háreketi sheńberindegi yazıypalarǵa da ayrıqsha itibar qaratıldı.Suwǵarılatuǵın jerlerden nátiyjeli paydalanıw, atız mádeniyatına itibar qaratıw- fermerlerdiń dıyxanshiliqtan kepillikli ekonomikalıq mápdarlıǵına erisiw girewi ekenligi aytılıp, buǵan baylanıslı zinhar arqayınlıqqa jol qoyılmawi uqtirib ótildi.Suwdıń únemleniwine erisiw maqsetinde salmalardı tazalaw hám olardı betonlaw, ǵálle tárbiyasına itibar qaratıw, atız shetlerinen nátiyjeli paydalanıw, terak, tut, júzim hám miyweli náller egiwdi kóbeytiw hám basqa zárúrli agrotexnikalıq ilajlardı óz múddetinde sapalı ámelge asırıw boyınsha da taraw xızmetkerlerine tiyisli usınıslar berildi.Ilaj dawaminda “Jasıl mákan” joybarı sheńberinde atız shetlerine náller egildi hám mexanizatorlarǵa azıq-awqat ónimleri tarqatıldı.
