Оған бола, меншиклестирилетуғын мәмлекетлик мүлк объектлери төмендегилерден ибарат:
— мәмлекетлик көшпес мүлк объектлери;
— мәмлекетлик үлеслер (акциялары, үлеслери);
— мәмлекетлик унитар кәрханалар ҳәм мәмлекетлик шөлкемлер.
Мәмлекетлик мүлк, толық яки белгили бөлеги меншиклестирилиўи мүмкин. (Оған мәмлекетлик мүлкти басқарыў ҳаққындағы нызамшылықта нәзерде тутылған меншиклестирилмейтуғын мәмлекетлик мүлк кирмейди)
Мәмлекетлик активлерди басқарыў агентлиги мәмлекетлик мүлкти меншиклестириў тараўындағы ўәкилликли мәмлекетлик уйым есапланады.
Меншиклестирилетуғын мәмлекетлик мүлктиӊ басланғыш баҳасы ўәкилликли мәмлекетлик уйым яки оныӊ аймақлық басқармалары тәрепинен белгиленеди.
Мәмлекетлик мүлкти меншиклестириў төмендеги усыллардан пайдаланған ҳалда әмелге асырылады:
— аукцион;
— таӊлаў саўдалары;
— сөйлесиўлерге ғалабалық түрде мирәт етиў;
— бәсекиге тийкарланған байланыс;
— биржа саўдалары;
— мәмлекетлик унитар кәрханасын яки мәмлекетлик мәкемени мүлклик комплекс түринде хожалық жәмийетиниӊ устав фондына (устав капиталына) мәмлекетлик үлес ретинде киргизиў;
— мәмлекетлик үлеслерин ҳәм мәмлекетлик көшпес мүлк объектлерин хожалық жәмийетиниӊ устав фондына (устав капиталына) мәмлекетлик үлес ретинде киргизиў;
— мәмлекетлик унитар кәрханасын яки мәмлекетлик мәкемени кейинирек меншиклестириў шәрти менен ижараға бериў.
Нызам рәсмий жәрияланған күннен үш ай өткеннен кейин күшке киреди.
Қарақалпақстан хабар агентлиги
