Райондағы «Каңлы» аўыл пуқаралар жыйынында Камбағаллықты қысқарттырыў ҳәм бәнтлик бөлими баслығы Ж.Қурбаниязов ҳәм пуқаралар жыйынлары басшы-хызметкерлери қатнасында тәжирийбе алмасыў семинары болып өтти.
Семинарда, әдеттегидей пуқаралар жыйынының ҳүжжетлери, пуқаралар менен жумыс алып барыў тәртиби үйренилип, жумыс барысын буннан былай да жетилистириў бойынша өз-ара пикир алмасылды.
Буннан соң ҳәким жәрдемшиси тәрепинен аймақта исбилерменликти жолға қойыў, ҳаял-қызлар белсендисиниң басламасы менен ҳаял-қызлардың бәнтлигин тәмийинлеў мақсетинде алып барылып атырған жумыслар, сондай-ақ, жаслар жетекшисиниң аймақтағы жаслардың бос ўақтын мазмунлы өткериў бойынша алып барып атырған жумыслары менен жақыннан таныстырылды.
Илаж жуўмағында мәҳәлле аймағында үй алды қыйтақ жерлеринен үнемли пайдаланып атырған шанарақлардың тәжирийбеси үйренилди