Ҳүрметли Президентимиздиң басламасы тийкарында мәҳәллелерде Рамазан айында халқымызға тынышлық, берекет ҳәм татыўлық тилеп ифтарлық илажлары даўам етпекте. Мүқаддес күнлерде меҳир-мириўбет, қайыр-сақаўат көрсетиў халқымызға тән пазыйлет болып табылады.Усы жылдың 7-апрел күни Қаңлы аўыл пуқаралар жыйынында жасаўшы пуқаралар ушын район ҳәкимлиги тәрепинен ифтарлық шөлкемлестирилди.
Илажда Қарақалпақ мәмлекетлик университети Миллий ғәрезсизлик идеологиясы кафедрасы доценти Ж.Сагындыков, район ҳәкиминиң биринши орынбасары Ж.Сейтмуратов ҳәм сектор басшылары сөзге шығып, бәршени Рамазан айы менен қутлықлады ҳәм Рамазан айы инсанларды өз-ара меҳир-мириўбетли болыўға, нураныйлар
ҳәм наўқаслардың, жақынлардың жағдайындан хабар алыўға, мүтәжлерге қайыр-сақаўат көрсетиўге шақыратуғынлығын атап өтти. Илаж даўамында диний тараў ўәкиллери тәрепинен Қуран сүрелери оқылып, ел-халқымыздың аманлығы, тынышлығы ҳәм аўызбиршилиги ушын жақсы тилеклер тиленип, ақ патияға қол жайылды.