Qońırat rayonındaǵı «Wunderkinds in Kungirad» mektepke shekemgi bilimlendiriw mákemesi mámleketlik-jeke sheriklik tiykarında shólkemlestirilgen.
Rayonda paydalanılmay turǵan imarat «nol»lik bahada alınıp, «Ózsanaatqurılısbank»tiń jeńillikli krediti esabınan zamanagóy túrde rekonstrukciyalandı. Balalardı qızıqtıratuǵın, dúnyaǵa kóz qarasın bayıtatuǵın oyınshıqlar menen úskenelengen.
Baqshada 90 nan aslam bala tárbiyalanbaqta. Olardıń jaqsı tálim-tárbiya alıwı, durıs awqatlanıwı, fizikalıq shınıǵıwlar menen shuǵıllanıwı ushın barlıq sharayatlar jaratılǵan. Balalarǵa rus, inglis tilleri interaktiv usıllar járdeminde úyretilmekte.
Ózbekstan Milliy málimleme agentligi – ÓzA Prezident barıp kórgen usı balalar baqshasınan fotoreportaj tayarladı.
