Ózbekstan Respublikası Prezidentiniń 2020-jıl 20-oktyabrdegi “Mámleketimizde ózbek tilin jáne de rawajlandırıw hám til siyasatın jetilistiriw ilajları haqqında”ǵı PP -6084-sanlı Pármanı, Qaraqalpaqstan Respublikası Joqarǵı Keńesi Prezidiumınıń “Qaraqalpaq tilin jáne de rawajlandırıw hám til siyasatın jetilistiriw ilajları haqqında”ǵı 410-sanlı qararı hám de Qaraqalpaqstan Respublikası Ministrler Keńesiniń 2022-jıl 21-dekabr kúngi 11-07/5-12/398-sanlı xatınıń orınlanıwın támiyinlew maqsetinde Qońırat rayonı hákiminiń ruwxıy aǵartıwshılıq jumısları nátiyjeliligin arttırıw, mámleketlik til haqqındaǵı nızam hújjetlerine ámel etiliwin támiyinlew máseleleri boyınsha másláhátshisi R.Aybergenovanıń 2023-jılǵa mólsherlengen is-ilajlar rejesi islep shıǵıldı.
Rejege jıl dawamında kórip shıǵılatuǵın rayondaǵı barlıq mákeme, kárxana hám shólkemlerdiń dizimi kirgizilgen hám isshi topar dúzilgen. Isshi topardıń tiykarǵı wazıypası mákeme, kárxana hám shólkemlerdegi is hújjetler, sırtqı jazıwlar, reklamalar, mańlayshalar hám basqa da xabar tekstleriniń mámleketlik tilde (qaraqalpaq, ózbek tilleri), latın álipbesinde jazılıwın támiyinlew bolıp tabıladı.
May ayında Qońırat rayonı Abadanlastırıw basqarması isshi topar aǵzaları, yaǵnıy rayon hákiminiń másláhátshisi R.Aybergenova, rayon hákimliginiń baspasóz xızmetkeri Z.Abdullaeva hám Respublika ruwxıy-aǵartıwshılıq orayı Qońırat rayonı bólimi qánigesi A.Tureevler menen birgelikte is hújjetleriniń durıs jazılıwın úyreniw jumısları alıp barıldı. Tekseriw sońında jol qoyılǵan qáte-kemshilikler boyınsha túsinik jumısları alıp barılıp, ayırım qáte-kemshilikler ornında saplastırıldı.