Ne ushın búgin terek egiw mámleketlik siyasat dárejesine kóterildi hám ne nátiyjesinde terek kesiw jınayatqa teńlestirilip atır? Eger tábiyatqa múnásip múnásibette bolınsa hám terekler azayıwda dawam etse, keleshegimiz ne boladı? Hawada záhárli elementler artsa, xalıq ortasında kesellikler, erte ólim jaǵdaylarınıń kóbeyiwi bunıń menen óz-ara baylanıslı emespe? Sonıń ushında terekler hám putalardı kesiwdi toqtatıwımız kerek.
Mámleketlik toǵay fondına kirmeytuǵın terekler hám putalardı kesiw ushın ruxsatnama
«Abat máhelle» hám «Abat awıl» mámleketlik dástur joybarları tiykarında aymaqlardı abadanlastırıw jumıslarında tábiyiy faktorlar yamasa ósimlikler zıyankesleri, kesellikleri tásirinde ziyanlanǵan, qurıp atırǵan yamasa qurıp qalǵan, sonıń menen birge, adamlardıń turmısı hám salamatlıǵına, yuridikalıq hám fizikalıq shaxslardıń buyım-múlkine qáwip salıp atırǵan tereklerdi kesiw hám qırqıw nızamshılıq hújjetlerinde belgilengen tártipke ámel etilgen halda tek rayon (qala ) abadanlastırıw basqarmaları tárepinen ámelge asırıladı.
Mámleketlik toǵay fondina kirmeytuǵın terekler hám putalardı ruxsatnama almastan kesiw qadaǵan etiledi.
Terekler hám putalardı kesiwge ruxsatnama alıw ushın puqaralar Mámleketlik xızmetler oraylarına ózi kelip murájat etedi yamasa Birden-bir ınteraktiv mámleketlik xızmetler portalınan paydalanadı.
Mámleketlik xızmetler kórsetiw ushın BEMnıń 30 payızı muǵdarında jıyım óndiriledi.
Tereklerdi, putalardı, basqa ósimliklerdi hám nállerdi nızamǵa qarsı túrde kesiw, ziyanlandırıw, joq etiw yamasa basqa orınǵa kóshirip ótkeriw – járiymaǵa sebep boladı. Kesilgen bir terektiń ornın 15 jılda da toltıra almaymız. Solay eken krizis bosaǵasında turǵan ekologiyamızdı asırayıq!
O.Adilbayev
Qońırat rayonı Ádillik bólimi Mámleketlik
xızmetler orayı bólim baslıģı