Hár jılı báhár keliwi menen kósheler,máhállelerdi abat etiw,átiraptı azada, tártipli jaǵdayǵa keltiriw ózgeshe dástúrge aylanǵan.
Qońırat rayonında Nawrız ulıwma xalıqlıq bayramın hám múbárek Ramazan ayın kóterińki keypiyatta ótkeriw maqsetinde búgin
“Abat shańaraq- abat kóshe- abat máhálle” principi sheńberinde abadanlastırıý hám kóklemzarlastırıý jumıslarına start berildi.
Usı múnásibet penen keń jámáátshilik wákilleriniń qatnasıwında ótkerilgen ilajda rayon hákimi Bekzad Madaminov sózge shıǵıp,
kóklemzarlastırıw hám abadanlastırıw jumısların jedellestiriw arqalı ekologiyalıq apatshılıqtıń keri tásirin azaytıwǵa erisiw múmkinligine toqtap ótti. Sonday-aq, elimizde járiyalanǵan “Áhmietli bir aylıq” sheńberinde puqaralardıń úy aldı qıytaq jerlerinen ónimli paydalanıwın shólkemlestirgen halda xalıqtıń dáramatların asırıw hám kámbaǵal shańaraqlar menen mánzilli islew boyınsha anıq wazıypalardı belgilep berdi.
Búgingi shembilik dawamında kóshe- qıyabanlar, qábiristanlar abadanlastırıladı, hár bir máhállede azadalıq jumısları alıp barıladı.
Áziyz Qońıratlılar!
Búgingi shembilikke bárshemiz belsene qatnasayıq!
Máhállemizdiń, kóshemizdiń tazalıǵına biyparıq bolmayıq!
