Usı jıldıń 5-iyn kúni sociyallıq tarmaqlardıń birinde járiyalanǵan sın kóz qarastaǵı maqala boyınsha
Mámleketlik kadastrlar palatası Qaraqalpaqstan Respublikası Qońırat rayonı filialı tómendegilerdi málim etip bildiredi. Qońırat rayonı “Almazar” mákan puqaralar jıyını aymaǵındaǵı puqaralardıń turaq jay iyeleriniń jer maydanları ámelde 0,15 ga bolıp, hújjet boyınsha 0,06 ga ekenliginen narazılıq bildirilgen múrájatı boyınsha tómendegilerdi málimleymiz.
“Temir-jol” mákan puqaralar jıyını aymaǵınan kóp qabatlı turar jaylar belgilengenligi sebepli 1965-jıllardan baslap usı aymaqtaǵı puqaralar Tirkish posyolkası házirgi “Almazar” mákan puqaralar jıyını aymaǵına koshirilgen hám har bir shańaraqqa turaq jay qurılısı ushın “Bas joba” boyınsha 0,15 ga jer maydanınan belgilep berilip turaq jaylar qurılǵan. Biraq usı jer maydanlarına jer ajıratıw hújjetleri berilmegen hám arxiv bólimine de tapsırılmaǵan. Ózbekstan Respublikası Ministrler Kabinetiniń 2016-jıl 3-avgust kúngi “2016-2017-jıllar dáwirinde fizikaliq hám yuridikaliq shaxslarǵa tiyisli bolǵan kóshpes mulk ob’ektlerin jalpı xatlawdan ótkeriw tártibi haqqında”ǵı 251-sanlı qararı menen tastıyıqlanǵan reje talaplarında atap kórsetilgen fizikaliq hám yuridikalıq shaxslar tárepinen úzliksiz on bes (15) jıl dawamında iyelik etip, áshkara túrde paydalanıp atırǵan jer maydanlarına hámde bul jer maydanlarında qurılǵan imaratları basqa shaxslardıń huqıqların, nızam menen qorǵalatuǵın máplerin buzbasa, puqaralardıń ómiri hám salamatlıǵına qáwip tuwdırmasa, rayon hákiminiń qararı menen puqaralarǵa nızam hújjetlerinde belgilengen talaplar tiykarında qurılǵan imáratlarına múlk huqıqı beriliwi múmkin dep kórsetilgen. Sol sebepli “Almazar” mákan puqaralar jıyını aymaǵındaǵı puqaralardiń turaq jayına hám jer maydanına huqıqın tastıyıqlawshı hújjetler joq bolǵanlıǵı sebepli rayon hákiminiń qararı menen turaq jaylarına mulk huqıqı hám (1998-jıl30-aprel kúngi O’zbekstan Respubliykası Jer Kodeksiniń 27-statyasına muwapıq hár bir shańaraqqa turaq jay qurılısı hám abadanlastırıw ushın 0,06 ga jer maydanı beriledi dep kórsetilgen) 0,06 ga bolǵan jer maydanlarına huqıqları tiklep atlarına bekitip berilgenligin málimleymiz.
