Búgingi kúnde insán máplerin támiyinlew, xalıq penen ashıq sáwbet qılıw, olardıń arzıw-niyetleri menen omirlik máselelerin unamlı sheshim tabıwına úlken itibar berilmekte.Isbilermenlikti qollap-quwatlaw hám rawajlandırıw, xalıqtıń isbilermenlik jumıs penen shuǵıllanıwı ushın barlıq zárúr sharayatlar jaratıw, bul baǵdardaǵı mashqalalar menen kemshiliklerdi saplastırıw boyınsha bir qatar is-ilájlar ámelge asırılmaqta. Insán qanday jerde hám qanday shárayatta jasamasın ozine qolaylıq jaratıwǵa háreket etedi. Mámleketlik xızmetler orayınıńda baslı máqseti puqaralarımızǵa qolaylıq jaratıw, artıqsha áweregershiligin boldırmaw,alısın jaqın, awırın jeńil qılıwdan ibárat. Solay eken orayımızǵa keliw imkániyatı bolmaǵan, rayon aymaǵınan alıs jerlerde jasawshı puqaralarımızdıń alısın-jaqın, awırın jeńil qılıw, artıqsha qárejet hám áweregershiliklerin boldırmaw máqsetinde alıs jerlerge shıqqan halda,kóshpeli túrde mámleketlik xızmetler kórsetip kelmektemiz.
Álbette puqaralardıń múshkilin jeńilletetuǵın, zamanagoy texnologiyalarǵa tiykarlanǵan bul sistema xalqımızǵa úlken qolaylıqlar jaratpaqta. Qońırat rayonı Ádillik bólimi, Qońırat rayonı Ádillik bólimi Mámleketlik xızmetler orayı tárepinen de rayon orayına keliw imkaniyatı bolmaǵan alıs aymaqta jasawshı Ádebiyat APJ turǵınlarına kóshpeli Mámleketlik xızmetler kórsetildi. Kóshpeli xızmet kórsetiw barısında awıl turǵınlarına 100 den aslam xızmetler kóshpeli túrde kórsetildi hám huqıqıy máslahatler berildi.Puqaralar búgin oraylarımız tárepinen kórsetilip atırǵan bunday xızmetlerden minnetdar bolıp, tarawımızǵa ózleriniń sheksiz alǵısların ayttı.
Qońırat rayonı Ádillik bólimi Mámleketlik xızmetler orayı