Xalqımızdı dinge, sáykes dástúr hám úrp-ádetlerge tıykarlanǵan doslıq múnásibetlerin birlestirip turadı. Sonday-aq ilim-pán hám bilimlendiriw tarawları, ulıwmalıq tarıyx hám mádeniy miyraslarımızdı birgelikte úyreniw, jaslar arasındaǵı hám dóretiwshilik baylanısların kúsheytiw máseleleri eki tárepleme materiallıq-gumanitar sheriklik kún tártibinde ayrıqsha orın iyelewi aytıp ótildi.
Usı baǵdarda, eki mámleket shayır hám jazıwshıları, qosıqshı hám mádeniyat ǵayratkerleriniń óz-ara saparların shólkemlestiriwge hár qashan tayın yekenligin bildirildi.
Prezidentimiz ullı babamız Ahmad Farg’oniydiń ibratlı turmıs jolı hám ilimiy miyrasların tereń úyreniw hám jaslar arasında úgit-násiyatlaw maqsetinde eki mámleket ilimpazlarınıń doslıq ilimiy jámiyetin shólkemlestiriw baslamasın ilgeri surdi.
Respublikamızda diniy-aǵartıwshılıq tarawda ámelge asırılıp atırǵan reformalar, diniy keńpeyillik hám milletlerara tatıwlıqtı bekkemlew, eń úlken baylıǵımız bolǵan tınıshlıǵımızdı qádirlew, milliy qádiriyatlarımız, úrp-ádetlerimizge jat bolǵan illetlerdiń aldın alıw, keńpeyillik, óz-ara húrmet hám miyrim-shápáát sezimin kúsheytiw haqqında úgit-násiyat jumısları alıp barılmaqta.
Mámleketimiz basshısı sóylewiniń juwmaǵında Ózbekstan-Egipet sammitiniń nátiyjeleri óz-ara múnásibetlerdi doslıq xalıqlarımız párawanlıǵı jolında jańa dárejege alıp shıǵıwı hám olarǵa uzaq múddetli ruxlanıw baǵıshlawģa isenim bildirdi.
J.Óserbaev
Respubliklıq Ruwxıylıq hám
aǵartıwshılıqorayı Qońırat
rayon bólim baslıǵı