Qońırat rayonı XBB ne qaraslı 41-sanlı ulıwma bilim beriw mektebiniń oqıwshılarınıń huqıqıy bilimlerin ámeliyatta bekkemlew maqsetinde,«QOŃIRAT RAYONI ÁDILLIK BÓLIMI MÁMLEKETLIK XALIQQA XIZMET KÓRSETIW ORAYI» na Mámleket hám huqıq tiykarları páni oqıtıwshısı Q. Qurmanova tárepinen sayaxat shólkemlestirildi.
Bas qaniyge G.Doshanova oraydıń ishki tártipte alıp baratuǵın xızmetleri haqqında túsindirip berdi.Oray direktorı B.Matnazarov tárepinen maǵlıwmatlar berildi.
Sayaxat dawamında Qońırat rayonlıq ádillik bólimi baslıǵı J.Mambetullaev penen sáwbet ótkerildi. Sáwbet dawamında jaslarǵa aldaǵı keleshegi ushın motivatsiyalar berdi. Oqıwshılar qızıqtırǵan sorawlarına juwaplar aldı. Shólkemlestirilgen sayaxat nátiyjesinde oqıwshılar keń huqıqıy maǵlıwmatlarǵa iye boldı.