Bárshemizge belgili shaxstı indentifikaciyalaw ushın Mobil-ID sisteması iske túsirildi. Bul modul járdeminde puqaralar janında alip júriwshi mobil telefon nomeri arqalı dizimnen ótip bárshe mámleketlik xızmetlerden ESI (yaģnıy elektron sanlı imza)sız paydalanıwı múmkin.
Usıģan tiykar Qońırat rayon Ádillik bólimi Mámleketlik xızmetler orayı tárepinnen Mobil-ID sistemasın xalıqqa keńnen en jaydırıw maqsetinde rayonımızdıń bárshe orınlarında ushırasıwlar shólkemlestirmekte.
MXO xızmetkerleriniń náwbettegi ushirasiwi Ózbekstan Respublikası Milliy Banki Qońırat filial ham Jińishke MPJ da bolip ótti. Ushırasıw barısında puqaralarģa sistemanıń áhimiyetli tárepleri ham onnan paydalanıw tártipleri haqqında túsindirildi. Puqaralarģa sol jerdiń ózinde mámlekeketlik xızmetler kórsetilip 50 den aslam puqaralar hám bank xızmetkerleri mobil-ID sistemasında indentifikaciya qılındı.
O.Adilbayev
Qońırat rayon Ádillik bólimi
Mámleketlik xızmetler orayı bólim baslıģı