«Baslamalı byudjet» joybarınıń 2024 jıldıń 2- məwsiminde Qońırat rayonı 37- sanlı ulıwma orta bilim beriw mektebiniń 1 qabatlı ońlaw talap bolıp qalǵan imaratın ońlaw hám oqıwshılardı kásipke úyretiw orayın shólkemlestiriw boyınsha 1 mlrd 360 mln aqsha ajıratıw usınısı kirgizilip, dawıs beriw nátiyjelerine kóre jeńimpaz dep tabılǵan edi. Mekteptiń oqıwshılardı kásipke úyretiw orayınıń imaratı «Nókis qutlı qádem» juwapkershiligi sheklengen jámieti tərepinen əmeldegi ońlawdan shıǵarılıp, paydalanıwǵa tapsırıldı.
Oqıw orayınıń ashılıw saltanatında rayon hákimi Bekzad Madaminov sózge shıǵıp,
Prezidentimizdiń baslaması menen “Jańa Ózbekstan – mektep bosaǵasınan, tálim- tárbiyadan baslanadı” degen ideya tiykarında alıp barılıp atırǵan keń kólemli reformalarǵa toqtap ótti. Kásipke úyretiw orayında kompyuter operatorı, tigiwshilik, temir ustası dógerekleri shólkemlestirilgen bolıp, kásipke úyretiw hám pán dógereklerine 179 oqıwshı qamtıp alınǵan.
