Qońırat rayonında Ózbekstan Respublikası Prezidentiniń “2025- jılda respublika máhellelerinde qáwipsiz ortalıqtı jaratıw hám huqıqbuzarlıqlardıń óz waqtında aldın alıw sisteması natiyjeliligin jáne de asırıw boyınsha ilajlar haqqında”ǵı qararınıń orınlanıwına baǵıshlanǵan jıynalıs ótkerildi. Jıynalısta rayon hákimi Bekzad Madaminov, rayon sektor basshıları, huqıq qorǵaw organları xızmetkerleri hám rayondaǵı barlıq máhellelerdiń jetilikleri qatnastı. Jıynalısta “Hár bir máhállede huqıq buzarlıqlardıń óz waqtında aldın alıw” principi tiykarında mánzilli jumıslar belgilep alınǵanı aytıp ótildi.
Sonıń menen birge, qarar talaplarınıń orınlanıwı juwapkerler hám máhelleler jetiligi tárepinen durıs dúziliwi hám xızmetleri dawamında xalıqtıń huqıqıy sana-sezimin jáne mádeniyatın kóteriwge qaratılǵan tásirli, mánzilli úgit- násiyatlaw jumısların alıp barıwǵa, máhellelerde sociallıq profilaktika sisteması nátiyjeliligin asırıwǵa, bunda tiykarınan jumıssız puqaralar, hayal- qızlar hám jaslardıń bántligin támiyinlewge, sonıń menen birge, probatsiya esabındaǵı shaxslar menen úzliksiz jumıs aparıw sıyaqlı áhmiyetli wazıypalarǵa dıqqat qaratılıwı aytıp ótildi.
.
