Búgin Qońırat rayonı hákimliginiń májilisler zalında Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayevtıń basshılıǵında seminar bolıp ótti. Onda Ózbekstan Respublikası Prezidentiniń 2024-jıl 30- dekabrdegi “Awıl xojalıǵı maydanlarındaǵı qosımsha imkaniyatlardan paydalanǵan halda ónim jetistiriwdi kóbeytiwge baylanıslı ilájlar haqqında”ǵı PQ-465- sanlı qararınıń mazmun- mánisi túsindirildi.
Qararǵa muwapıq, dala shetlerine hár jılı 1-aprelge shekem eginler egilmegen hám jıl dawamında ónim jetistirilmegen jaǵdaylar anıqlansa, bárshe egislik maydanlarǵa úsh ese salıq esaplanatuǵınlıǵı, dala shetlerin ekilemshi ijaraǵa alǵan ijarashılarǵa Agroinspekciya tárepinen BEMnıń 10 esesine shekem járiyma qollanılıwı hám de awıl xojalıǵı tarawına ajratılǵan jeńilletilgen kreditler toqtatılatuǵını atap ótildı.
Seminar qatnasıwshıları ózlerin qızıqtırǵan sorawlarǵa juwaplar aldı.
