Appaq qar, bul aqlıqta júdá kóp máni bar…
Jerdiń qar menen qaplanıwınan Qońırat rayonınıń xalqı diyqanshılıq mol bereketli bolıwın boljap aladı. Aqsaqallar bul jılı da suwımız, dán imiz, dasturxanımız mol boladı, dep diyqan hám isbilermenlerge ásirler sınaǵınan ótken másláhát hám usınısların bere baslaydı.
Qıstıń appaq libası átirapqa ózgeshe kórik baǵıshlamaqta. Bereket nıshanı Qońıratlılardıń kewlin kóterip, erteńgi jáne de abadan, molshılıq hám abat turmısqa isenim sezimin bekkemlemekte.
Japalaqlap jawǵan qar insanlarǵa miyrim-shápáát úlestirsin, olardıń kewlin mamıq qarday jumsartsın. Qar elimizge molshılıq alıp kelsin!
