Jaqında húrmetli Prezidentimiz tárepinen Qaraqalpaqstan boyınsha ámelge asırılǵan eń iri joybarlardıń biri bolǵan xalıqaralıq áhmiyetke iye A-380 avtomobil jolınıń «Qońırat-Beynew» arasındaǵı jańadan kurılǵan 240 kilometri xalqımız iygiligi ushın paydalanıwǵa tapsırılǵan edi. Usı avtomobil jolı boyın kóklemzarlastırıw maqsetinde 2025-jılǵı seksewil egiw mapazı baslap jiberildi.
Ózbekstan Respublikası Milliy gvardiyası Qaraqalpaqstan Respublikası basqarması 98166 sanlı áskeriy bólim xızmetkerleri de
elimizdiń ekologiyasın jaqsılaw jolında ózleriniń salmaqlı úlesin qostı. Búgingi baslanǵan iygilikli jumıslar sheńberinde xalıqaralıq avtomobil jolınıń 890-1204-kilometr aralıǵındaǵı 314 km jol boyına 2800 gektar maydanda shólge shıdamlı 1 mln. 150 mıń danaǵa jaqın seksewil hám basqa da shólge shıdamlı ósimliklerdi egiw rejelestirilgen. Sonı da atap ótiw kerek, sońǵı jılları elimizde húrmetli Prezidentimizdiń basshılıǵında jasıl aymaqlardı keńeytiw hám ekologiyalıq jaǵdaydı jaqsılawǵa ayrıqsha itibar qaratılıp, ótken jıllar dawamında Aral teńiziniń qurıǵan maydanlarında «Jasıl qaplamalar» jaratıw maqsetinde jámi 1,8 mln. gektar maydanǵa seksewil hám basqa da shólge shıdamlı ósimlikler egildi. Bunday iygilikli isler búgingi kúnde de qızǵın dawam ettirilmekte. Bıyılǵı belgilengen «Qorshaǵan ortalıqtı qorǵaw hám «jasıl» ekonomika jılı» bul baǵdardaǵı ilajlar kólemin jańa basqıshlarǵa alıp shıǵıwǵa bekkem tiykar boladı.
l
