Qońırat rayonı Ádillik bólimi Mámleketlik xızmetler orayı tárepinen 2024-jıl dawamında oray tárepinen kórsetilgen xızmetler, jetisken jetiskenlikler sonıń menen bir qatarda birge islesiwshi uyımlar tárepinen arzalarda jol qoyılǵan qáte kemshilikler múddet buzılıwı halatları sıyaqlı bir qansha qáte kemshilikler boyınsha birge islesiwshi uyımlar menen ushırasıw shólkemlestirildi. Ushırasıwda Qońırat rayonı Ádillik bólimi Mámleketlik xızmetler orayı direktorı B Matniyazov sózge shıǵıp jıynalǵanlarǵa óziniń bayanatın oqıp esittirdi
Qońırat rayonı Ádillik bólimi MXO tárepinen 2024-jıl dawamında jámi 186 yuridikalıq, 1728 fizikalıq shaxs mámleketlik dizimnen ótip búgingi kúnde óz isbilermenlik háreketi menen shuǵıllanbaqta.
Isbilermenlik subyektlerin qayta dizimnen ótkeriwde 2024-jıl dawamında 780 isbilermenlik subyektleri qayta dizimnen ótkerilgen bolıp, bul korsetkish
271 yuridikalıq shaxs, 509 jeke tártiptegi isbilermenlerdi quraydı.
Ótken 2024-jıl dawamında oray tárepinen fizikalıq hám yuridikalıq shaxslarǵa jámi 20 mıńnan aslam mámleketlik xızmetler kórsetilgen bolsa,bul mámleketlik xızmetler sanınıń kórsetkishi jıldan jılǵa asqanınan derek beredi.
Rayon orayınan alıs aymaqlarǵa shıǵıw arqalı puqaralardıń waqıtların tejew hámde olardıń uzaǵın jaqın qılıw, sonıń menen birge imkániyatı sheklengen puqaralarǵa qolaylıqlar jaratıw, puqaralarımızǵa tarawımızǵa tiyisli bolǵan normativ-huqıqıy hújjetlerdiń mazmun-mánisin túsindiriw maqsetinde olardıń jasap turǵan orınlarına barǵan halda 2024-jıl dawamında 3947 kóshpeli mámleketlik xızmetler kórsetildi. Sonday aq birge islesiwshi uyımlar tárepinen arzalarda jol qoyılǵan qáte kemshilikler múddet buzılıwı halatları da joq emes álbette. Keleside bunday qáte kemshiliklerge jol qoymaw ham arzalardı óz múddetinde orınlanıwın támiyinlew boyınsha aytıp ótildi
Úgit násiyat jumısları boyınsha tastıyıqlanǵan rejege tiykar, oray xızmetkerleri tárepinen óz waqtında mámleketlik xızmetler kórsetiw tarawına baylanıslı tastıyıqlanǵan normativ-huqıqıy hújjetler hámde puqaralarǵa jaratılıp atırǵan qolaylıqlar, jeńillikler boyınsha keń túsindiriw maqsetinde ǵalaba xabar quralları, (televidenie, radio, sonday-aq sociyallıq tarmaqlarda jarıtıp barıldı.
Bir sóz benen aytqanda ótken jıl Qońırat rayonı Ádillik bólimi Mámleketlik xızmetler orayına jaqsı nátiyjelerge, jetiskenliklerge tola jıl boldı desek adaspaymız.
B. Matniyazov
Qońırat rayonı Ádillik bólimi MXO direktori B. Matniyazov
