Ózbekstan Respublikası Ministrler Kabinetiniń Mámleketlik tildi rawajlandırıw departamenti baslıǵınıń 2024-jıl 15-yanvar kúni Nókis qalasında bolıp ótken májilisinde másláhátshilerdiń jıllıq esabatı tıńlandı hám departament baslıǵı tárepinen másláhátshilerge tapsırmalar berildi. Qońırat rayonınıń hakim másláhátshishi hám isshi topar quramı tárepinen belgilep berilgen tapsırmalardı hám 2025-jılǵa mólsherlengen ilajlar rejesinde kórsetilgen wazıypalardı orınlaw maqsetinde rayondaǵı xalıqqa xızmet kórsetip atırǵan banner shıǵaratuǵın jeke isbilermenlik subyektleri xatlawdan ótkerildi. Xatlaw nátiyjesinde Qońırat rayonında eki (“Shomak” hám “Kristal” atlı) banner shıǵaratuǵın jeke isbilermenlik subyekti anıqlandı. Jeke isbilermenler menen ushırasıp Mámleketlik tilge baylanıslı nızam hújjetleri talaplarına sózsiz ámel etiliwin támiyinlew kerekligi túsindirildi. Taǵı da shıǵarıp atırǵan bannerlerde qáte-kemshilikler ketip atırǵanlıǵı eskertilip, Álisher Nawayı atındaǵı Ózbek tili hám ádebiyatı universiteti janındaǵı Qaraqalpaqstan Respublikası aymaqlıq bóliminde bir aylıq múddette dástúriy formada shólkemlestirilgen “Ózbek hám qaraqalpaq ádebiy tili normaları hám de mámleketlik tilde is júrgiziw” bilimlerdi jetilistiriw kurslarına biypul oqıtıw máselesi kórilip atırǵanlıǵı aytıldı.
