Мүрәжатларды көрип шығыў арқалы тараўдағы системалы мәселелерди анықлаў ҳәм олардағы кемшиликлерди сапластырыў имканияты жаратылады.
Бүгинги күнде байланыс ҳәм мәлимлемелестириў тараўында тутыныўшылар ҳуқықларын қорғаў, физикалық ҳәм юридикалық шахслардың мүрәжатлары менен ислесиў, телекоммуникация, почта байланысы, дәўирли баспасөз тарқатыў, телерадиоеситтириў ҳәм мобиль байланыс тараўында искерлигин алып барыўшы оператор ҳәм провайдерлар тәрепинен көрсетилип атырған хызметлер сапасы “Ўзкомназорат” инспекциясы Карақалпақстан Республикасы аймақлық бөлими тәрепинен қадағалаўға алынған.
Қарақалпақстан Республикасы аймақлық бөлимине 2024 -жыл даўамында жергиликли телефон байланыс хызмети бойынша 20, интернет хызмети бойынша 322, мобиль байланыс хызмети бойынша 146, почта байланыс хызмети бойынша 3, телерадиоеситтириў хызметлери бойынша 4 ҳәм басқа да мәселелер бойынша 4, жәми 499 мүрәжат келип тускен болып, соннан 435 мүрәжат (87%) унамлы шешилип, қалған мүрәжат ийелерине ҳуқықый түсиниклер берилди.
Мүрәжатларды орнында унамлы шешиў, байланыс ҳәм мәлимлемелестириў тараўында көрсетилип атырған хызметлер сапасы бойынша Республикамыз аймағындағы машқалаларды шешиў мақсетинде Карақалпақстан Республикасы аймақлық бөлими тәрепинен 2024- жыл даўамында 11 мәрте көшпели қабыллаўлар өткерилип, көшпели қабыллаўлар даўамында тутыныўшылар тәрепинен келип түскен 66 мүрәжаттен 62 си унамлы шешилип, қалған 4 мүрәжат ийелерине ҳуқықый түсиниклер берилди.
Ҳүрметли тутыныўшылар! Сизде байланыс тараўында көрсетилип атырған хызметлер бойынша машқалалар пайда болса яки усы тараўдағы өзлериӊизди қызықтырған мәселелер бойынша “1144” қысқа номерли исеним телефоны арқалы ямаса аймақлық бөлимниң өзине тиккелей мүрәжат етиў мүмкиншилигине ийе екениңизди билдиремиз.