Қоңырат районында «Биз бир болсақ — халықпыз, бирлессек — Ўатанбыз!» сүрени тийкарында «Мәнаўият фестивалы» болып өтти. Онда елимизге белгили шайыр-жазыўшылар, көркем өнер ҳәм мәденият тараўының ўәкиллери, «Мәрипат» үгит-нәсиятшылар жəмийетиниң ағзалары Мәденият орайында район халқы менен ашықтан-ашық сәўбетлести. Бир неше орында болып өткен фестиваль даўамында үгит-нәсиятшылар топары ағзалары халқымыздың кеўлине қонымлы қосықлары, шенде-шен ушырасатуғын талантлары менен қатнасыўшылардың қәлбине бир әлем заўық ҳәм йош бағышлады. Көркем өнер шеберлери, елимиздиң сүйикли қосықшылары қатнасыўындағы гала концерт район халқының мәдений дем алыўына тийкар болды.
