Qońırat rayonı ádillik bólimi yuridikalıq xızmet kórsetiw orayı tárepinen rayonlıq mektepke shekemgi hám mektep bilimlendiriwi bólimine qaraslı mektepke shekemgi bilimlendiriw shólkemleri juwaplı xızmetkerleri qatnasında Jańa Miynet kodeksiniń mazmun-mánisin túsindiriw, onı qollaw haqqında maǵlıwmat beriw hám usıǵan tiykar miynet nızamshılıǵında názerde tutılıp atırǵan ózgerislerke arnap huqıqıy úgit-násiyat ilajı shólkemlestirildi.

Ilajǵa rayon ádillik bólimi yuridikalıq xızmet kórsetiw orayı xızmetkerleri qatnastı hám olar óz sózinde Jańa Miynet kodeksi usı tarawdaǵı xalıq aralıq shólkemler hújjetlerine muwapıq hám olardıń usınısların esapqa alǵan halda islep shıǵılǵanlıǵın aytıp ótti.

 Oray xızmetkerleri tárepinen jańa redakciyadaǵı Miynet kodeksine muwapıq jumısqa qabıl etiwde qosımsha talap etiletuǵın hújjetler

salıq tólewshiniń identifikaciya nomeri;

fizikalıq shaxstıń jeke identifikaciya nomeri;

pensiya dáptershesi, buǵan birinshi márte jumısqa kirip atırǵanlar kirmeytuǵının hám jumısqa qabıllaw haqqında buyrıq is haqıyqatta baslanǵan waqıttan baslap úsh kún ishinde imza qoydırılıwı, miynet dáptershesine jumısqa qabıllaw haqqında buyrıq penen jazıw kiritilgennen úsh kún ishinde tanıstırılıwı kerekligine toqtaldı.

Sonıń menen birge dáslepki sınaw múddeti belgilenbeytuǵın xızmetkerler taypasına qosımsha tómendegiler:

úsh jasqa tolmaǵan balanı jalǵız ózi tárbiyalap atırǵan jalǵız ata (qáwender);

mámleketlik grant tiykarında oqıǵan hám joqarı oqıw ornın tamamlaǵannan baslap úsh ay ishinde jollanba boyınsha alınǵan qániygelikke tiyisli jumısqa kirip atırǵan shaxslar;

on segiz shaxsqa tolmaǵan shaxslar;

islep shıǵarıwda oqıtıw shartnaması boyınsha usı is beriwshide oqıwdı ótegen shaxslar;

jámáát kelisimlerinde, jánede jámáátlik shartnamasında, sonday-aq is beriwshiniń ishki hújjetlerinde názerde tutılǵan basqa xızmetkerler kirgizilgenligin hám dáslepki sınaw múddeti xızmetkerler ushın úsh aydan, karxana baslıqları, orınbasarları, bas buxgalterler hámde shólkemniń quramlıq bólimleri baslıqları ushın altı aydan ótpeytuǵınlıǵı belgilenip atırǵanlıǵın aytıp ótti

Ilaj juwmaǵında qatnasıwshıları ózleriniń sorawlarına tiyisli juwaplar aldı

Qońırat rayonı ádillik bólimi yuridikalıq xızmet kórsetiw orayı