Ózbekstan Respublikası Prezidentiniń 2021-jıl 13-aprel kúngi “Byudjet processinde puqaralardıń belsene qatnasıwın támiyinlew boyınsha qosımsha is-ilajları haqqında”ǵı PQ-5072-sanlı qararı tiykar Ózbekstan Respublikasınıń Qarjı Ministrliginiń “Ashıq byudjet” portalı iske túsirilgen edi.
“Ashıq byudjet” portalında dawıs beriwdiń juwmaǵına kóre Qońırat rayonında tómendegi 5 usınıs jeterli dawıs topladı hám jeńimpazlar qatarına kirdi.
1. Qońırat awıl puqaralar jıyını aymaǵındaǵı Qorıs boyı hám Hákke awıl aymaǵın taza ishimlik suwı menen támiyinlew usınısı 3297 dawıs penen birinshi orındı,
2. Qańlı awıl puqaralar jıyını Qańlı awılı hám Shamıra awılına ishimlik suwın tartıw usınısı 3224 dawıs penen ekinshi orındı,
3. Xalıq bilimlenidiriw bólimine qaraslı “Barkamal áwlad” balalar orayınıń materiallıq texnikalıq bazasın bekkemlew usınısı 2340 dawıs penen úshinshi orındı,
4. Xalıq bilimlenidiriw bólimine qaraslı 7-sanlı ulıwma bilim beriw mektebine jasalma mini futbol maydanshasın qurıw usınısı 1682 dawıs penen tórtinshi orındı,
5. Mıńjarǵan awıl puqaralar jıyında Saransha aymaǵı hámde O.Ermanov kóshelerin rekonstrukciya qılıw usınısı 1477 dawıs topladı.
Rayonımız turmısına biyparwa bolmay, dawıs beriw processine belsene qatnasqan bárshe Qońıratlılarǵa rayon hákimligi atınan minnetdarshılıq bildiremiz.