Qońırat rayonında mámleketlik til haqqındaǵı nızam hújjetlerine ámel etiliwin támiyinlew maqsetinde Xalıq banki rayon filialında úyreniw jumısları alıp barıldı.
Úyreniw dawamında mámleketlik til haqqındaǵı nızam hújjetlerine ámel etiliwin támiyinlewde Ózbekstan Respublikası Prezidentiniń 2019-jıl 21-oktyabrdegi “Ózbek tiliniń mámleketlik til sıpatındaǵı mártebesin hám abıroyın túbten asırıw is-ilajları haqqında”ǵı PP-5850-sanlı Pármanı hám de Ministrler Kabinetiniń “Latın jazıwına tiykarlanǵan ózbek álipbesine basqıshpa-basqısh tolıq ótiwdi támiyinlew is-ilajları haqqında”ǵı 2021-jıl 10-fevraldaǵı 61-sanlı qararı talaplarına tiykar, taxtayshalar hám kórgizbeli maǵlıwmatlar latın álipbesinde bolsada qáte jazılǵanlıǵı aytıp ótildi hám kemshiliklerdi tez arada saplastırıw kerekligi eskertildi.
