Усы жылдың 22-28-май күнлери аралығында Непал пайтахты Катманду қаласында волейбол бойынша ҳаял-қызлар арасында Азия Челлендж кубоги жарыслары болып өтпекте.
Халықаралық жарысқа спорт ветераны Азат Казаков бас тренерлигиндеги θзбекстан сайланды командасы қурамында Қарақалпақстан Республикасынан – Әжинияз атындағы Нөкис мәмлекетлик педагогикалық институты студентлери Гүлмира Қулымбетова, Надира Рейимбаева, Гүлбазар Нуранова, Азиза Жолдасбаевалар қатнаспақта.
Жарыстың дәслепки күни Өзбекстан сайланды командасы Шри-Ланка менен ойнады ҳәм 3:0 есабында қарсыласларынан толық қолы бәлент келди.
Келеси турларда команда Малдив ҳәм Қазақстан командалары менен жарысқа түседи.
Қарақалпақстан Республикасы Жоқарғы Кеңесиниң Мәлимлеме хызмети