Sociallıq tarmaqlarda https://t.me/antikorruz kanalında “Qoraqalpog’iston Respublikasi Qo’ng’irot tumanidan murojaat.”,-degen atamadaǵı hám https://t.me/achchiqq_haqiqat kanalında “Qo’nǵirot tumani 41-maktab o’qituvchilari direktorning majburiy ravishda turli ishlarga jalb qilayotganidan norozi bo’lib murojaat qilgan.”,-degen atamada járiyalanǵan múrájáátler boyınsha bólimge qaraslı 41-sanlı ulıwma orta bilim beriw mektebinde tiyisli tártipte úyreniw jumısları alıp barıldı.
Múrájaat boyınsha 41-sanlı mektebiniń direktorı hám pedagog kadrları menen sáwbetlesiw ótkerildi hám sáwbetlesiw barısında mektep direktorı haqıyqattan muǵállimlerdi 2023-2024-oqıw jılında 1-klasqa keletuǵın oqıwshılardıń dizimin alıw ushın hár bir muǵállimlerge kóshelerdi bólip bergenligin hám oǵan qosımsha ráwishte 30-aprel kúni Respublikamızda ótkeriletuǵın Referendumda qatnasıwshı sol aymaqta jasawshı puqaralardıń dizimin qáliplestiriw boyınsha tapsırma bergenligi anıqlandı. Ózbekstan Respublikası Prezidentiniń 2020-jıl 5-oktyabrdegi “Sanlı Ózbekstan-2030 strategiyasın tastıyıqlaw jáne onı nátiyjeli ámelge asırıw ilajları haqqında”ǵı PP-6079-sanlı Pármanın orınlanıwı hám de Ózbekstan Respublikası Xalıq bilimlendiriw ministrliginiń “2022-2023-oqıw jılında ulıwma orta bilim beriw mektepleriniń 1-klasına qabıllawdı shólkemlestiriw haqqında”ǵı 2022-jıl 1-iyun kúngi 179-sanlı hám usı mazmundaǵı Qaraqalpaqstan Respublikası Xalıq bilimlendiriw ministrliginiń 2022-jıl 2-iyun’ kúngi 106-sanlı buyrıǵında barlıq ulıwma orta bilim beriw mekteplerinde
1-klasqa qabıllaw procesleri Ministrler Kabinetiniń 2017-jıl 15-marttaǵı 140-sanlı qararı menen tastıyıqlanǵan “Ulıwma orta bilim beriw haqqında”ǵı Nızamına muwapıq, belgilengen tártipte (keyingi orınlarda – dástúriy formada) ulıwma orta bilim beriw mektepleri direktorları tárepinen ámelge asırıladı hám de mektepke qabıl etilgen oqıwshılar ministrliktiń birden-bir elektron sisteması (erp.maktab.uz)na kiritiledi delińgen. Ministrler Kabinetiniń 2017-jıl 15-martdaǵı 140-sanlı qararınıń 5-bab 39-bóliminde mektep jasındaǵı balalardı biriktirilgen mikroaymaqtan pedagog kadrları tárepinen birme bir (úyme úy) dizimin alıw arqalı ámelge asırıladı dep kórsetilgen. Biraq, 30-aprel kúni Respublikamızda ótkeriletuǵın Referendumda qatnasıwshı sol aymaqta jasawshı puqaralardıń dizimin qáliplestiriw ushın oqıtıwshılar xızmetinen paydalanǵanlıǵı Nızamǵa qayshı ekenligi eskertildi.
Múrájáátta kórsetilgen yaǵnıy, múǵállimlerden 10 000 sumnan hár ayda mektep fondı ushın pul jıynalıp atırǵanlıǵı boyınsha sorastırıw jumısları alıp barılǵanda, haqıyqatında mektep jámáátiniń toy-merekelerine hám basqa shıǵınları ushın qarjı jıynalatuǵınlıǵınan mektep direktorınıń xabardar bola tura onı toqtatpaǵanlıǵı, biraq hesh qanday mektep fondı degen fondtıń joq ekenligi anıqlandı. Bul boyınsha mektepte hesh qanday qarjı jıynalmaw kerek ekenligi túsindirildi hám eskertildi.
Úyreniw dawamında anıqlanǵan kemshilikler hám nızam buzıwshılıqlarǵa jol qoyǵanlıǵı ushın Qońırat rayonı Xalıq bilimlendiriw bóliminiń 2023-jıl 26-aprel kúngi 01-01/04-318-sanlı usınıs xatına tiykar, Qaraqalpaqstan Respublikası Mektepke shekemgi hám mektep bilimlendiriw ministrliginiń 2023-jıl 26-aprel kúngi 30-IJ sanlı buyrıǵı menen Qońırat rayonı Xalıq bilimlendiriw bólimine qaraslı 41-sanlı ulıwma orta bilim beriw mektebi direktorı Xudaybergenova Gulnara Umarbaevnaǵa Ózbekstan Respublikası Miynet Kodeksiniń 181-statyası 1-bántine tiykar “SÓGIS” intizamiy sharası qollanıldı.
Qońırat rayonı Xalıq bilimlendiriw bólimi