Qońırat rayonlıq Xalıq bilimlendiriw bólimine qaraslı 7-sanlı ulıwma orta bilim beriw mektebinde usı jıldıń 25-avgust kúni «Ustazlar milliy forumı» bolıp ótti. Forumdı Qońırat rayonı hákiminiń birinshi orınbasarı J.Seytmuratov kiris sóz benen ashıp berdi hám barlıq pedagog xızmetkerlerdi shın kewilden qutlıqladı.
Forum dawamında ulıwma orta bilim beriw mekteplerindegi oqıw isleri boyınsha direktor orınbasarları, ruwxıy hám aǵartıwshılıq isleri boyınsha direktor orınbasarları hám pán muǵallimleri qatnasti. Taza 2022–2023-oqıw jılında bilimlendiriw tarawında bolıp atırǵan jańalıqlar menen tanıstı hám alda turǵan wazıypalardı belgilep aldı.
Ilaj dawamında ótken oqıw jılında jaqsı kórsetkishlerge erisken, nátiyjeli miynetleri ushın bir qatar mektep direktorları hám direktor orınbasarları, oqıtıwshılar rayon hákiminiń «Húrmet jarlıǵı» menen sıylıqlandı.
Qońırat rayonı hákimligi Málimleme xizmeti