Tórdegi Hásiretli ana –Watan tımsalı. Urıstan qaytıp kelmegen perzentin ómiriniń aqırına shekem kútip “Sen bárhulla qálbimdeseń, jigerbentim” degen sozlerin búgin Ana Watan bolıp, pútkil xalıq bolıp aytıp turǵanday …
Qońırat rayon hákimi B.Madaminov, miynet veteranları, awǵan urısı qatnasıýshıları hám keń jámáátshilik wákilleri áskeriy orkestr muzıkası astında Hásiretli ana esteligine gúl sheńberlerin qoydı hám qanlı sawash maydanlarında erlik kórsetip, qurban bolǵan jerleslerimizdi eske aldı.
Pútkil insaniyatqa qáwip salıp, ákeni baladan, ananı perzentten ayırıp, tariyxta óshpes iz qaldırǵan Ekinshi jer júzilik urıs biziń elimizge de ornı tolmas aqıbetlerdi alıp keldi. Bul urısqa rayonnan 3672 adam qatnasqan bolsa, sonnan 2037 si elge aman quwısqan. Búgingi tınısh hám qáterjam turmısımız, ashıq aspanımız ushın qurban bolǵan jerleslerimizdi máńgi este saqlaw,mártlikleri aldında bas iyiw biz ushın hám qarız, hám parız.