Мәмлекетимизде ҳаял-қызлардың ҳуқық ҳәм мәплерин тәмийинлеӯ, экономикалық, социаллық ҳәм сиясый белсендилигин асырыӯ мәмлекет сиясатының әҳимийетли бағдары сыпатында белгиленген. «Хаял-қызларға итибар ҳәмме ӯақытта ис-ҳәрекетлеримиз орайында болыӯы, ҳәммемиздиң ӯазыйпамызға айланыӯы керек»-дейди ҳүрметли президентимиз.
Қоңырат районы Әдиллик бөлими Мәмлекетлик хызметлер орайы тәрепинен де ҳаял-қызларымыздың ҳуқықый саӯатқанлығын асырыӯ, исбилерменлик көнликпелерин қәлиплестириӯ мақсетинде, Қоңырат районы Шаңарақ ҳәм ҳаял-қызлар бөлими АПЖ, МПЖ ҳәм ППЖ белсенди ҳаял-қызлары ушын оқыӯ-семинары шөлкемлестирилди.
Оқыӯ-семинар даӯамында тараӯымыз бойынша үгит-нәсият жумыслары алып барылып, Мәҳәллелердеги исбилерменлик ҳәрекетин басламақшы болған ҳаял-қызлар ушын жаратылған имкәниятлар, сондай-ақ исбилермен болып мәмлекетлик дизимнен өтиӯ тәртиплери, Мәмлекетлик хызметлер орайлары тәрепинен көрсетилетуғын хызмет түрлеринен онлайн ҳәм офлайн пайдаланыӯ бойынша кеңнен түсиник жумыслары алып барылды.Оқыӯ-семинар даӯамында қатнасыӯшылар өзлерин қызықтырған сораӯларға тараӯ қәнийгелери тәрепинен тийисли жуӯаплар алды.
Ш.Балтабаева
Қоңырат районы Мәмлекетлик хызметлер
орайы жетекши қәнийгеси