Өзбекстан Республикасының жаңаланып атырған Конститутциясыны мазмун-мәниси ҳәм усы жылдың 30-апрель сәнесинде өткерилиўи белгиленген референдумның әҳмийетине арналған үгит-нәсият илажы Қоңырат районында белгиленген орынларда болып өтти.
Илажға районға бекитилген үгит-нәсиятлаў топары ағзалары, Өзбекстан Республикасы Әдиллик министрлиги жетекши қәнигеси Б.Бердимуратова, Өзбекстан Республикасы Мектепке шекемги ҳәм мектеп билимлендириўи министрлиги бөлим баслығы А.Шариповлар, сондай-ақ район белсендилери ҳәм аймақ турғынлары қатнасты.
Үгит-нәсият илажы даўамында, бүгинги күнде мәмлекетимизде әмелге асырылып атырған социаллық-экономикалық реформалардың барысы, жаңаланып атырған Өзбекстан Республикасы Конституциясының мазмуны ҳәм ондағы жаңадан киритилип атырған өзгерислердиң әҳмийети ҳәмде Конституциялық нызам жойбары бойынша өткерилетуғын Референдум ҳаққында түсиник жумыслары алып барылды.