Búgin adamlarǵa jaqın bolıw, tez, qolay hám sapalı mámleketlik xızmetlerdi kórsetiw, Mámleketlik xızmetler orayı xızmetkerleriniń kúndelikli jumıs usılına aylanıp úlgerdi. Xalıqtıń orayǵa keliwin kútpesten, shet hám alıs aymaqlarda kóshpeli mámleketlik xızmetlerdi kórsetip kelmekte.
Qońırat rayonı Ádillik bólimi hám Mámleketlik xızmetler orayınıń náwbettegi kóshpeli xızmetler mánzili Qońırat rayonınıń Elabad PPJ boldı.
Xalıqqa jeńillik hám qolaylıq jaratıwdı maqset etken oray xızmetkerleri mámleketlik xızmetlerden hesh qanday byurokratik tosqınlıqlarsız úyde yamasa jumıs ornında otırıp ta paydalanıw múmkinligi, mámleketlik xızmetler salasındaǵı jańalıqlar hám jaratılıp atırǵan jeńillikler haqqında, dáwir máselesi bolģan korrupciyaģa qarsı gúresiw boyınsha jıynalǵanlarǵa túsinik jumısların alıp bardı. Sonıń menen birge, …Soda zavod xizmetkerlerine shaxstı indentifikaciyalaw yaģnıy Mobil-ID sisteması boyınsha kórgizbe qurallar járdeminde seminar-trening shólkemlestirildi.
“Búgin oray xızmetkerleri zavod xızmetkerleriniń uzaģın jaqın, qıyınshılıqların ańsat etiwge jaqınnan kómeklesti. Kimdir perzentin balalar baqshasına qoyıwǵa arza bergen bolsa, kimdir jasap turǵan úyiniń kadastr hújjetlerin rásmiylestirdi. Sonıń menen birge, kóshpeli xızmet dawamında xızmetlerdi oraylarǵa barmastan, Birden-bir ınteraktiv mámleketlik xızmetler portalı (my.gov. uz) arqalı elektron tárizde alıw Mobil-ID, nızamshılıqtaģı jańalıqlar menen jaqınnan tanıstı. Bunday qolaylıqlardan nátiyjeli paydalanıw bolsa har birimizdiń wazıypamız.”-deydi zavod baslıģı. Búgin zavod xızmetkerleri kórsetilgen xızmetlerden minnetdar. Sebebi olardiń waqtı hám artıqsha áweregershiliginiń aldı alındı.
A.Saparov
Qońırat rayonı Ádillik bólimi
Mámleketlik xızmetler orayı bas qaniygesi