Бүгин Қоңырат районы мәденият бөлиминде районда жер ҳәм мәмлекетлик объектлерди меншиклестириў ҳәм бул бағдарда район көлеминде әмелге асырылып атырған жумыслар нәтийжелилигин асырыў мәселелерине арналған семинар болып өтти.
Семинарға район ҳәкиминиң орынбасары И.Бабажанов, Қарақалпақстан Республикасы прокуратурасы бөлим баслығы Қ.Бектурғанов, мәҳәллелердеги ҳәким жәрдемшилери, исбилерменлер ҳәм басқада тийисли тараў ўәкиллери қатнасты.
Семинар даўамында “E-AUKSION” электрон саўда платформасына киритилип, сатылыўы белгиленген мәмлекетлик активлер бойынша мағлыўматлар берилди.
Сондай-ақ, мәмлекетлик активлерди меншиклестириўде ҳәким жәрдемшилериниң орны ҳәм ўәкилликлери, жер участкаларын электрон онлайн саўдасы арқалы сатып алып, жеңилликли түрде бөлип төлеў мүддетлери ҳәм шәртлери сыяқлы мәселелер бойынша тараў қәнигеси тәрепинен кең түрде түсиник берилди.
Соның менен бирге, исбилерменлердиң мүрәжатлары тыңланып, нызам шеңберинде унамлы шешиў бойынша тараў басшыларына тапсырмалар берилди.
@qongiratrkuz