Халқымыз арасында «қыӊғыр истиӊ қыйығы, қырқ жылда да шығады» деген нақыл бийкарға айтылмаған.
Судланыўшы А.А., 2020-жыл декабрь айы ақырлары ҳәм 2021-жылдыӊ январь айы басларында, жынайый жол менен байлық арттырыў мақсетинде, бир топар шахслар менен жынайый тил бириктирип, усы топарға басшылық етип, өзи ислейтуғын “У” АПЖ аймағында жайласқан “N” ЖШЖ “У” участкасында дала лагериндеги вагончиктен, жәмийетке тийисли болған 1 дана рентген аппаратын, 1 дана негетаскоп, 1 дана компьютер, 1 дана гельятина, 1 дана ультрозвуковой аппараты, 1 дана кондиционерди ҳәм усы жәмийетте ислеўши пуқара Б.Б.ға тийисли 1 дана телевизор тюнерлерин усы бир топар шахслар тәрепинен жасырын түрде талан-тараж етилиўине ерискен.
Алып барылған оператив иләжлар нәтийжесинде урлық жынаятын А.А.ныӊ басшылығында, пуқаралар К.К., У.У., С.С., Е.Е., Н.Н.лар менен бирге жәмийетке тийисли вагончикке ҳеш ким жоқлығынан пайдаланып, нызамсыз түрде кирип урлық ислегени, айғақлы затлар олардыӊ үйлеринде сақланып атырғанлығы анықланып, дәслепки тергеў дәўиринде урланған затлар нызамлы ийелерине қайтарылып, пуқаралар К.К., У.У., С.С., Е.Е., Н.Н.лардыӊ пушайманлық арзаларына тийкар жынаятлы истиӊ оларға қараған тәрепи өндиристен қысқартылған.
Судланыўшы А.А.ға жынаят ислери бойынша Қоӊырат районы судыныӊ 2022-жыл 22-февраль күнги ҳүкими менен, Өзбекстан Республикасы Жынаят кодексиниӊ 28,169-статьясы 2-бөлими «б,в,г» бәнтлери менен айыплы деп табылып мийнетте дүзетиў иси жазасы тайынланды.
Ф.Казакбаев
Жынаят ислери бойынша Қоӊырат районы
судыныӊ судья жәрдемшиси